Juramuti Jorhenkuarhikueri Gabriela Molina usïnti enki na jiramuka juramuti Erechikueri, jarhoatani iretechani enki santaru uetarhejkasï
Lázaro Cárdenas, Michoacán.- Secretaría de Educación del Estado (SEE), intsïmpeasti uetarhenchantskuechani 55 jorhemperakuecharhu iretecharhu enki santaru uetarhejkasï Costa Michoacana anapuecha, ka anchitanasti 2.5 millones de pesos.
Jimpoka isï juramuka juramuti, Alfredo Ramírez Bedolla, p’orhempeani jorhemperakuechani iamintu erechikuarhu anapuecha, ka minarhikuni ampesï uetarhesïnki, juramuti jorhenkuarhikueri, Gabriela Molina Aguilar, nirasti jorhemperakuarhu sapicheri Primo Tapia, Chucutitán anapu, jimanki eratseka enki jorhempeni ukuesti iamintuecheri.
Jorhemperakuarhu, tankuarhikua ma unasti jimanki intsïmpenakasi, uaxantsïkuechani ka tachani uetarhenchantskuechani enki marhoatakasï 2 mil 500 jorhenkuarhiricha 17 jardines de niños, 27 primarias ka 11 secundarias jima anapuecha.
“Uekasïnkasi enki jatsïkuarhiakasï internet, uaxantsïkuechani, uetarhenchantskuechani, ka ima enki uejkasï jintesti enki tsïtiakasi jorhenkuarhini. (…) I Erechikuarhu uanekua jorhempericha jarhastisï enki jorhempenakasï, iasï jorhempericha sontku meiamunasïntisï ka notaru ia isï enki na unampka”, uantasti juramuti jorhenkuarhikueri. Jimpoka eratsejka enki jorhempericha jintekasï tsa enki mojtakuaka jorhenkuarhikuani.
Tankuarhikuarhu jarhasptisï jorhempericha ka jorhenkuarhiricha jorhemperakueri Primo Tapia anapuecha, juramuti ereteri, Itzé Camacho; juramuti Administración arhikateri, Pedro Gustavo Valenzuela; juramuti Unidades Regionales anapu, Martín López; ka juramuti jorhemperakueri, Aidé Juárez; ka mataru juramuticha jima anapuecha ka jorhenkuarhikueri.
