I erechikuajkuesti enki axamenajka 3 mmdp meiamperakuarhu jorhempericheri, ka isï sontku meiamuasïnkasi
Morelia, Michoacán, 27 de enero de 2023.- Secretaría de Educación del Estado (SEE) sesi erankusïnti kuajchakua juramutiri, Andrés Manuel López Obrador, jimpoka orhejtsïkusïnti mojtakukua meiamperakueri jorhempericheri, ka isï sankani sankani chutani kuarhutperakuani.
Enki Juramuti kotsikueri p’orhempenapka i Erechikuani, Juramuti Jorhenkuarhikueri Gabriela Molina Aguilar, sesi erankusti enki juramuti menki jauenajka mojtakukuankuni meiamperakueri jorhempericheri, enkisï tsïpekua jinkoni pauani pauani anchikuarhijka.
Tankuarhikuarhu enki ukuarhika Tsïnajperakuarhu “Eva Sáma de López Mateos”, juramuti Alfredo Ramírez Bedolla uantasti enki ima uetenapka, 60 por ciento meiamunampka tarjeta isïmpu, ka iasï jintekia 85 por ciento, ka i uexurhikuarhu uekanasïnti enki iamintuecha isï meiamunaka.
“Tuminankuni meiamunasïramptisï, cheque isï, ka arhistirini juramuti Andrés Manuel López Obrador – Alfredo jaue meiampeni sesi kitata kuarhutperakuani – ka imansï uxaka, enki uetenapkani juramuni 60 por ciento meiamunasïramptisï tarjeta isï, iasï 85 por ciento jintestisia (…) k’amarustia k’uarhutperakua i Erechikuarhu, uantasti juramuti i erechikueri.
Tankuarhikuarhu, enki tsïnajperakuarhu unaka, juramuti erechikueri uantasti enki “Mojtakukuankuni iamintu jorhempericha intsïnati ima enki anchikuarhijkasï, ka enki sontku meiamunakasi”.
Ka itku uantasti enki menki jauenaka jarhoajperakua meiamperakua jorhempericheri, jimpoka axamenajkasï 3 mi millones de pesos, ka i erechikuarhujkusï isï axamenasti meiamperakua jorhempericheri.
