Uanekuamintusï niti jorhenkuarhikuarhu jimanki uantontskuarhinaka NEM arhikateri
Juramuticha sector arhikateri i Erechikueri anchikuarhisïntisi eratsekuampu Nueva Escuela Mexicana (NEM), Ka i jurhiatikuarhu tankuarhintastisï imarhu Reunión de Consejo Técnico Pedagógico, jimanki nikasi 310 supervisores jorhemperakuecheri sapicheri i Erechikueri.
Enki na uantaka juramuti jorhenkuarhikueri, Gabriela Molina Aguilar, menki jauenasïnkasi jeierakuarhu NEM i Erechikuarhu, erankupani ka anchikuarhipani mantani eretarhu, erankupani jukaparhakuechani mantani sapicheri ka tumpicheri.
Tankuarhikuarhu enki unaka jorhemperakuarhu sapicheri, “Gregorio Torres Quintero”, nirastisï 50 juramuticha sector anapu 310 supervisiones arhikatecheri enki i erechikuarhusï jaka.
Juramuti Carmen Escobedo Pérez, uantasti enki uetarhejka minarhikuni ka anchitani NEM arhikatani i Erechikuarhu, ka uantasti enki ixu isï uakasï p’itanarhikuani uetarhenchantskuechani, enki SEP uantaka: http://gestion.cte.sep.gob.mx/insumos/#!/
Ka itku, uantasti enki uetarhejka juramuticha uenansi anchitani i eratsekuani jorhenkuarhikuampu, jimpoka isï chutapakasi na enki uenampkasï anchikuarhini, ka isï menki jauenakasï mojtakuni eratsekua jorhenkuarhikueri i Erechikuarhu.
