Jimpani anchikuarhikuecha unasïnti eratsekuarhu “Jaue menki jauenani jorhenkuarhini tsïnajperakuarhu”
Jimpoka uekanajka enki sapicha enki p’amenchakua kankuarhijka, ka enki nosï ujka nirani jorhemperakuarhu, Secretaría de Educación del Estado (SEE) eratsekuechani anchitasïnti imarhu “Jaue menki jauenani jorhenkuarhini tsïnajperakuarhu” ka enki menteru uetenakuarhintakasi jorhenkuarhikuecha, jorhentanastisï 300 sapichani.
Enki na uantaka juramuti jorhenkuarhikueri, Gabriela Molina Aguilar, anchikuarhisïnkasi jimpoka iamintuecha uetarhesïnti jorhenkuarhini, ka sapichankuni enki p’amenchakua ma kankuarhijka itkueuati.
Juramuti i eratsekueri, Anel Ledezma, uantasti enki i uexurhikua sesi uetenakasï jimpoka santaru uinaperantakasi eratsekuani ka ampe imanki uejka, jimpoka, santaru uani sapicha jorhentanasïntisi, ka itku eratsenasïnti enki sapicha sesi uemukuntakasï ka itku ampe miteaka enki marutaruecha.
Enkisï isï uejka uetarhesïnti uantani tatsekupakuechani isï enki jorhemperakua de origen, imankuni uekanajka enki sesi nitamakuarhiaka iamintu jorhenkuarhirichani ka isï p’ikuarherakasi enki imeri iretarhu jorhentananakasi, ka kani enki uemukuntakasi uakasi inchamukuni nakinterku jorhemperakuarhu enki uekakasï.
I kutsirhu, jorhentanastisï 289 sapicha jima inicial, preescolar, primaria ka jorhenkuarhiricha no escolarizados arhikatecha, tempeni ma jorhemperakuecharhu kuimi iretecharhu (Morelia, Zamora, Lázaro Cárdenas, Maravatío, Apatzingán ka Zitácuaro) jimanki anchitajkasï eratsekuani.
Uetarhesïnkasi miteni enki jorhenkuarhirichani no majkuesïnti jimpoka menchani santaru uani jarhasïnti p’amenchaticha, najki isekia jintesïntisi sano 400-500 sapicha enki jorhentanajkasi mantani kutsi.
