Juramuti Jorhenkuarhikueri Gabriela Molina tankuarhintasti juramutichankuni Senguio, Contepec, Arteaga, Nuevo San Juan Parangaricutiro ka Coalcomán anapuechan
Anchikuarhikua enki Secretaría de Educación del Estado (SEE) ujka, juramuti jorhenkuarhikueri, Gabriela Molina Aguilar, tankuarhintasti tachani juramutichankuni tachani anapuechankuni.
I jurhiatikuarhu tankuarhikua ma ukuarhisti juramutichankuni Senguio, Alejandra Venegas; Israel Luna Contepec anapu; ka Diego Palominos Arteaga anapu; ka i jurhiatikuecharhu tankuarhintastistu Jesus Espinoza, juramuti Nuevo San Juan Parangaricutiro, ka _Maria Esquivel, Coalcomán anapu.
I tankuarhikuankuni usïnkasi santaru sani minarhikuani ampe enki uetarhejkasï mantani iretarhu i Erechikuarhu, ka isï untansï eratsekuechani imankuni sesi nitamaka jorhenkuarhikuani.
Enki na juramuka Gabriela Molina, uinaperantasïnkasi uantajperakua juramutichankuni, ka tachani k’eri k’umanchikua uaxastakatechankuni ka isï unsi enki jorhempericha santaru sani ampakiti jorhenkuarhikua intspeaka.
Tsï tankuarhikuecha tatsekupasïntisi imani enki ukuarhika jini Casa de Gobierno, jimanki nikasï 40 juramuticha, ka enki eratsenaka na enkisï santaru sesi jajkuaka jima enki jorhentanajkasï sapicha, jimpoka jorhempeni ukuesti iamintuecheri.
