Juramuti Jorhenkuarhikueri p’imarhiasïnti jorhemperichani enki no iskusï motseaka ka enki nosï ampe ukuarhenchaka anchikuarhikuarhu
Jimpoka eiankunantakasï enki jorhempericha isku motsejka, Secretaría de Educación del Estado (SEE) p’imarhiasti jorhemperichani enki no iskusï motseaka, jimpoka ampe enki uejka ukuarhini uetarhesïnti eiankuni juramukua jorhenkuarhikuerini.
Motsekuecha jorhemperakueri enki no mitetinarajka Juramukua Jorhenkuarhikueri, ka enki no sesi erankuaka Unidad del Sistema para la Carrera de los Maestros y las Maestras (USICAMM), ampesï unati enki na jukanarhika juramukuecharhu.
Enki nosï ampe uejka ukuarhenchani, p’imarhisïnti SEE jorhemperichani enki nosï motseaka enki k’uiripu ma o kunkuarhikuasïni arhijka enki USICAMM isïka motsekua.
Miatasïnkasini enki nakinterku juramuti enki jarhoatpeaka uni ini nasï motsekuechani, tachani ampe ukuarhenchati enki jukanarhika juramukua.
USICAMM, enki inarhati anchikuechani CT arhikateri uajka jarhasti, Periferico Paseo de la Repúblic #4193, uapqtsekuarhu Ana María Gallana.
