Juramuti Jorhenkuarhikueri uantasti enki kanekua marhoajka anchikua jorhempericheri mojtakukuarhu eratsekueri jorhenkuarhikueri
Madero, Michoacán.- Jimpoka uekanajka enki sapicha i Erechikueri santaru sesi jorhentanakasï, juramuti jorhenkuarhikueri, Gabriela Molina Aguilar, orhejtsïkusti intsïmperakua uetarhenchantskuecheri anchikuankuni, “Ver bien para aprender mejor” jini Villa Madero.
Jintestisï 294 sapicha enki miopía, astigmatismo o hipermetropía kankuarhijkasi, enki intsïnakasi uetarhenchantskuechani jorhemperakuarhu “Gertrudis G. Sánchez”, jimanki tankuarhintakasï tachani jorhemperichankuni, ka jorhenkuarhirichankuni tachani jorhemperakuecheri jima anapuecha.
Anchitanasti 1 millón de pesos exámenes de la vista arhikatecharhu ka intsïmperakua uetarhenchantskuecheri, juramuti Jorhenkuarhikueri uantasti enki 3 millones de pesos intsïnakasi imankuni pianaka tachani uetarhenchantskuechani, enki uranakasi jorhemperakuecharhu jima anapuecha.
Ka itku, anchitanastisï antenas arhikatecha eratsekueri “Internet para todos”, imankuni axamenajkasï i uetarhenchantskuani enki jorhenkuarhikuarhu urakasï.
Gabriela Molina uantasti enki, na enki juramuka juramuti Alfredo Ramírez Bedolla, majku anchikuarhinauaka mojtakukuarhu i Erechikueri.
Ka isï miatantasti jorhemperichani enki jintekasï tsa enki mojtakuaka eratsekua, isï enki eratsenajka imankuni Nueva Escuela Mexicana: “Majkueskasï, chansïni uetarhesïnka jimpoka jorhempeni ukuesti iamintuecheri”.
Jimastu jarhaspti juramuti jima Unidades Regionales anapu, Martín López Ortiz; ka juramuti ima ireteri Froylán Alcauter Ibarra; ka tachani juramutichateru.
