Secretaría de Educación del Estado (SEE), p’imarhiasïnti t’irekua atarantstichani jorhemperakuecheri, enki menki jauenakasï anchitani tatsekupakuechani enki axamenakasi.
Jimpoka uejkasï enki sesi nitamaka jorhenkuarhiricha, SEE arhiasïnti jorhemperichani, sapichani, tatempechani ka anchikuarhirichani enki menki jauenakasï tachani ampe uni imankuni erhojparhutakasï p’amenchakuechani.
Jimposï, juramunasïnti enki iamintu jorhemperakuecharhu t’irekua atarantsticha, tachani ampe uatisï isï enki:
Pauani pauani ampajpani enki mitantanauakasï; iamintu t’irekua atarantsticha, ka tatsekupakuechani anchitauatisï.
Ka itku, no uati nakinterku k’uiripuecha atarantani t’irekua.
Ka k’amarhutani, jorhemperakuecharhu ampakiti t’irekua atarakuarhintati, ka jimposï na enki jukanarhika juramukuecharhu no atarantanati ampe enki no ampakeka; ka jimposï sïrantechansï intspeati enki jukanarhiaka ampe enki ataranantaka ka naxani jukaparaka, ka ima enki intsïnakasi sapicha tatsekupatisï imani Reglas de Operación arhikatechani.
