Tatsekupakuechani ka tachani anchikuechani imankuni ereta ka k’uiripuechani erankupauaka
Juramutichankuni Kotsikua anapuecha uenaskasia xarhatani Nueva Escuela Mexicana iapurhu isï; tachani jorhempericha jintestisï tsanki anchitakasï ka isï uetenakasï, imeri iretani exeparini.
Enki nitamakasï jorhenkuarhikuani Taller Intensivo de Formación Continua, enki ukuarhika enki uetenakuarhinapka i kutsi, ampe enki jorhenkuarhikasi, menki jauenasïnti eratsensi.
I jorhenkuarhikua uekasïnti mojtakuni jorhenkuarhikua, ka enki xani ionsï nitamanapka, sapicha enki k’amarhutakasi inicial jorhenkuarhiatisï sesi nitamani eretankuni.
Ima enki erankupajkasï jintesti: sesi pajperakua, majku ukuarhika, sesi t’irekuarhini, ukateri, arhintskueri, karánarhitakueri k’uinchikuecheri ka p’intekuecheri.
Ka tsï t’apurhu ukuarhintasïnti: Janhaskakuecha ka eratsekuecha, Sesi nitamakua ka p’ukuricheri ampe, no ch’kuantirakua ka jarhoajperakua, K’uiripueri Ka ireteri.
Ima enki uekanajka jintesti enki sesi p’ikuarheraskani jimpoka ixu anapuekasi, ka enki tachani ampe enki uakasi, sesikua jinkonsï uaka, jimpoka menki jauenatisï upani sesi eratsepani enki ixu anapuekasi.
