Iamintu i kutsirhu uatisï axanteru iamintu sïrantechani
Morelia, Michoacán.- Secretaría de Educación del Estado (SEE) p’imarhiasïnti Colegios de Profesionistas ixu anapuechani enki axauakasï sïrantechani, utasï xajkani enki k’amarunauaka i kutsi.
Dirección de Profesiones SEE anapu arhisïntisini enki tachani sïrantecha enki uetarhejkasï original ka petakata ma axauakasi, jima via electrónica isï axakasï, jimarhu colegiosdeprofesionistas@hotmail.com, i kutsirhu jimpoka isï kurajkuarhijka juramukuecha, ka enki no isï unaka, kunkuarhikuecha euanatisï tumina o juramukua enki jatsïkuarhikasï.
Axatisï ampe enki unaka iamintu uexurhikuarhu, na enki uekakasï karáni, tatsekupani Educación Continua ka Servicio Social, imeri Programa Operativo Anual (POA) de Educación Continua i uexurhikueri; POA de Servicio Social y Profesional xarharaka; ka sïrantechani Jorhenticheri.
Itku, uetarhesïnti enki axakasï Dirección de Profesiones arhikatarhu sïranta enki jukanarhiaka tachani ampe Juramuticheri, na enki arhikuarhikasï, ampe enki urikasï, lista de peritos, jima anapu ka na enki eratsenajka jimpoka isi sesikua jinkonsï uaka uni ampe.
