Kunkuarhikuankuni Fundación Ver Bien Para Aprender Mejor jarhoatauatisï 8 mil sapichani
Secretaría de Educación del Estado (SEE), Fundación Ver Bien Para Aprender Mejor arhikatankuni, anchikuarhixatisï intsïmperakuarhu uetarhenchantskuecheri lentes, iretecharhu enki no kani sesi erenaka, ixu anapuecha.
Jimpoka isï juramuka juramuti Alfredo Ramírez Bedolla, juramuti jorhenkuarhikueri Gabriela Molina tankuarhintasti juramutichankuni ima kunkuarhikueri, imankuni jarhoatakasi tsï uetarhenchantskuechankuni 8 mil sapichani.
Jarhastisia 3 mil 300 sapicha enki jarhoatauakasï, najki isekia, menki jauenaxati exenani namunteru sapicha uetarhexakiterusï, ka uni isï antakuntauani mataru 5 mil, jorhemperakuecharhu enki exenakasia.
Incharhetanasti 1 millón 300 mil pesos, jimpoka uekanajka enki sapicha santaru sesi jorhenkuarhiaka ampe, iretecharhu enki no kani sesi erenaka.
Iretecharhu enki intsïmpenakasï uetarhenchantskuechani jintestisï Charapan, Churumuco, Madero, Nahuatzen, Nocupétaro, Tumbiscatío, Tzitzio, Carácuaro, San Lucas, Susupuato, Tiquicheo, Turicato, Tuzantla ka Aquila.
