Mojtakukua eratsekueri jorhenkuarhikueri uetarhesïnti majku unsï: Gabriala Molina
Erechikuarhu majku ukuarhintasïnkansi majku anchikuarhisïnkasi ka majku eratsenasïnti uantasti juramuti jorhenkuarhikueri, Gabriela Molina Aguilar.
Enki japka juramuticha jorhemperakuecheri tumpicheri, uantasti enki mane jantiojku anchikuarhijka, nosï uaka mojtakuni eratsekua jorhenkuarhikueri ka sesi jajkuntani jima isï enki jamajka jorhenkuarhiricha jamajka ka jimposï uantati enki uetarhejka majku amchikuarhinsï ka majku eratsepani.
Terunukuarhu K’erenchikueri Universidad Tecnológica de Morelia (UTM), uantasti enki uetarhejka enki jorhemperakuecharhu sesi janteaka, najki isekia kanekua uetarhesïnti enki jorhempericha jorhentpeaka.
“Enki ukua juchariuaka uni enki jorhenkuarhikua jinteuaka ma ampe enki marhuakuaka iamintuechani sesikuankuni jinkoni”, uantasti Juramuti Jorhenkuarhikueri.
Molina Aguilar, jorhenkuarhirichani enki jimasï japka p’imarhiasti enki majkuentakasï ari mojtakukuarhu, untapani kunkuarhikuechani enki sesikua jinkonsï eratseka, jima isï enki uekakasï: p’ukurintio, jukaparskuecheri, ka tachani amperi.
Miatantauasti enki jorhenkuarhikua jinteuaka ima enki iauni nitamauaka, ka tachani k’erenchikuecha jarastisï i erechikuarhu jimanki inchamukuaka tumpicha enki k’amarutakasï prepa arhikatani.
Ka Mariana Sosa Olmeda, juramuti imeri Instituto de Educación Media Superior y Superior, uantasti enki tachani k’erenchikuecha menki jauenaxatisï anchikuarhini, jimpoka tsa sindicatos sesi eratsesti enki menki jauenakasï anchikuarhini.
Ka ima Graciela Andrade García Peláez, juramuti imeri UTM uantasti enki anchitakia 40 millones de pesos, jimpoka juramuticha kotsikueri ka erechikueri majku anchikuarhikasï jimpoka uejkasï enki tumpicha k’amarhutakasi ka enki anchikuarhikua ma jatsïkuarhikasï.
