Niraskasï tempeni ka ma iretecharhu, intspeni mamaru ampe enki uetarhenchanakasï
Morelia, Michoacán.- Xajkanti enki ukuarhika jenchekua, jurhiatikuarhu 19 ima kutsiri septiembre, ima Secretaría de Educación del Estado (SEE) ka ima Coordinación de Planeación y Evaluación Educativa arhikatecha, nirasïntisi p’orhempeani jorhemperakuechani iretecharhu.
Kunkuarhikuecha enki orhejtsïkuajka ima juramuti, Yarabí Ávila González o tsampu juramiticha mataru anchikuecheri isï enki ima Subsecretaría de Educación Básica ka ima Coordinación de Planeación y Evaluación Educativa arhikatecha, nirastisï p’orhempeani jorhemperakuechani tachani iretecheri.
Maru iretecharhu enki intsïnakasï mamaru ampe enkisï uetarhenchanapka, jintestisï Aquila, Coahuayana, Apatzingán, Los Reyes, La Piedad, La Huacana, Paníndicuaro, Zitácuaro, Tzintzio, Cherán ka Nahuatzen arhikatecha.
Naxani enki no sesi jantskaka jenchekuecha karánarhikuaxati ima Secretaría de Obras Públicas arhikata, enki karánarhikuakiia 273 jorhemperakuecha enkisï uetarenchajka ukuani ampe, ka tsïru 32 jorhemperakuecha no sesimintu jantskauasti.
Ka itku, ari uexurhikuarhu intsïnatisï 33 millones de pesos arhikatecha, imankuni pienakiia mamaru ampe imankunsï anchikuarhiaka, malla ciclónica, lámina, varilla, material de mejora para sanitarios ka itku ima pintura vinílica, esmalte ka mataru mamaru ampecha enki uetarhenchanakasï.
