Pauani pauani anchikuarhisïnkasi sesi k’uirhipekuarhu sapicheri ka tumpicheri: Yarabí Ávila González.
Jukaparhakuesti ma enki jorhenkuarhirichani uantontskuarhikuaka, erojparhutakueri adicciones arhikatecheri, isï enki na jukanarhika ima tatsekupakuecharhu Guía Operativa para la Convivencia Escolar arhikata, enki no ioni karánarhikuka ima Secretaría de Educación del Estado (SEE), imarhu Periódico Oficial arhikatarhu.
“Ukuestu ma enki anchikuarhiakasï, enki sapicha ka tumpicha sesi jorhenkuarhikua ma intsïnaka, imankuni erhojparutakasï tsani adicciones arhikatechani”, uantasti ima juramuti Yarabí Ávila González.
Ka jimajku, artsï tatsekupakuecha majkuentasïnti imankuni Estrategia Nacional de Prevención de Adicciones (ENPA) arhikata, enki arhijtsikujkasïni na enki p’inkuakasï o na enki erhojparutakasï, sapicharhu tsini adicciones.
Karákatecha ma jarhastisï jimarhu: https://aulas.see.gob.mx/enpa/, enki sapicha enki jatirikasï kuimu – iumu t’amu uexurhikuecha uakasi arhintani jimpoka arhisïnti na enki erhojparutakasi p’amenchakuechani, ka tumpicha enkisi jatirika tempeni – tempeni iumu tsïmani uexurhikuecha, arhisïnti na jarhatisï jaki sustancias adictivas arhikatecha.
Ari página de internet arhikatarhu, jarastistu ma tatsekupakua jorhempericheri, tatecheri ka ima tutores arhikatecheri, imankunsï tsastu uaka exeni ka erhojparutani, jimpoka uetarenchasïnti iamintuecha kunkuarhintani.
Ima Secretaría de Educación p’imarhpesïnti enkisi minarhikuaka tsima karákatechani, ka enkisï kunkuarhintaka ka exeakasi enki sapicha ka tumpicha sesi k’uirhipeaka.
